السلام عليكم ورحمة الله وبركاته

توطئة

” إن رجلاً يتهرّب من تحمل مسؤولية عمل ويبحث دائمًا عمن يغطيه ليس له من الرجولة اكثر من الاسم , إنّه جبان بل حقير “

التوقيع : أدولف هتلر.

***

على طاري هالمره صحيح .. يا كثر ما يجيني إيميل مدري وش اسمه هذاك اللي يقول ترا الايميلات خلصت وما باقي غير 57 إيميل ! والمسكين بيل غيتس شكله يبي يسوي عليها مزاد ! طبعا أغلى واحد بيصير آخر واحد ! ولا تستبعدون تطلع إشاعة إن الوليد اشتراها كلها .. من قبل نوفمبر 2007 والايميل ذا كان وما زال يجيني وما زالت الإيميلات الـ57 ما خلصت !

المهم : مو ذا موضوعنا ! موضوعنا اليوم إني أبي أقول لكم صفوا صف واحد .. وعلى شكل طابور .. لكن يا ليت الرجال في صف والنساء في صف منعًا للاختلاط .. ونبدأ بالمباركة للأخ الفاضل : موتاب على اجتيازه اختبار الجيمات .. ولله الحمد والمنة .. وهالتحدي وتمّ بفضل من الله .. وننتظر التحدي الجاي والله يعين ..

ألف مبروك لي .. نستقبل التهاني والتبريكات في المدونة أو على الإيميل أو على الجوال .. على طاري الجوال : ترا جوالي تغيّر .. وطلعت رقم جديد .. لذلك اللي ما يعرف رقمي الجديد يرسل لي إيميل ..

جت في بالي فكرة من زمان .. لكن تأخرت في تنفيذها حتى بعد الاختبار .. الفكرة نبعت في كون كثير من الأشخاص يسألوني عن (الجيمات) وش يكون ؟! لذلك الفكرة تقول : في نهاية كل موضوع راح نكتب سؤال من أسئلة الجيمات واترك لكم مجال للتفكير فيه وحلّه .. وراح أعطيكم الحل الصحيح قبل ما أكتب موضوع جديد .. على طاري موضوع جديد : تغير موعد الموضوع إلى كل جمعة بناء على التغير في عطلة نهاية الأسبوع بين كندا والسعودية ..

أسئلة الجيمات يجي مع كل سؤال 5 خيارات ( و4 برتقالات ) الفترة المحددة للجواب على كل سؤال هي دقيقتين كحد أعلى ( دقيقة و40 ثانية) لكن أنا ما راح أعطيكم الخيارات .. واترك لكم فترة الجواب مفتوحة !

وراح نبدأ من اليوم إن شاء الله .. وراح نتدرج في الصعوبة .. من السهل إلى الصعب

أخيرا .. ترا النت يرفع الضغط والسكر والأملاح المعدنية !! الله يعينكم مدري وشلون متحمّلينه !! يعني أبي اكتب ما قدرت !! حتى الإيميل أكرهه على بال ما يفتح !! الله يعينكم على الاتصالات حقتكم !!

***

سؤال اليوم

خباز فتح الصبح وعنده 40 كيس خبز . نصها باعه الظهر , و 80% من الباقي انباع ما بين الظهر حتى قفّل المحل . كم عدد الأكياس اللي لم يتمّ بيعها ؟!

( وتذكر : السؤال ما ياخذ دقيقتين في الحل )

***

قفلة

اللهم لك الحمد حتى ترضى , ولك الحمد إذا رضيت , ولك الحمد بعد الرضا

موتاب

تبوك - السعودية

صدقوني .. أبي رجل عظيم !