اللهم إنك عفو تحب العفو فاعف عنا ..

يوم .. يومين .. أكثر أو اقل .. هي ما يفصلنا عن نهاية رمضان ووداعه ! تقبل الله منا ومنكم الصيام والقيام ..

ما أدري ليه .. رمضان فيه شيء غريب .. وشعور ما أدري وش يكون .. صحيح إني أرسلت رسالة لأحد الزملاء عن الوضع هنا في رمضان .. وهذا (جزء) منها :

” تسمع عن اللي ما يعرف عن رمضان غير الجوع والعطش ؟! هذا حالنا هنا ..
من الأشياء اللي نشوفها ونعيشها .. الناس تاكل في كل مكان .. اللبس رايح فيها من ناحية النساء .. الأذان ما تسمعه ولا تدري عنه .. نختلف هل دخل وقت الفطور ولا لا , كل واحد يقول ساعتي ساعتي ولا ندري عنه !! السحور نسمع عنه ولا نعرفه أبدا !!
تدري يا أبو ؟؟؟؟ .. صرنا نتمنى ينتهي رمضان مع تعب الدراسة والحياة اللي نعيشها !! أكثر من واحد قالها لي : رمضان يأثر على دراستي .. وماني قادر اركز !! بدون مبالغة أكثر من واحد قالها لي .. وأنا معهم .. فعلا انتظر رمضان ينتهي !! أجل بالله عليك اليوم دخول وقت الافطار الساعة 7:12 وما نفطر إلا الساعة 7:30 عشان عندنا محاضرة .. وطلعتنا المدرّسة 10 دقايق للراحة في نص المحاضرة !! التراويح .. الصلوات .. الأذان .. الفطور (نوع الأكل) .. المسواك .. حياة رمضان .. كلها فقدناها .. “

صحيح .. كنت أتمنى ينتهي رمضان .. لكن الآن لما صرنا أمام الأمر الواقع .. إحساس غريب يجيني .. ومشاعر متضاربة .. رمضان الأيام والليالي فيه لها إحساس خاص .. لو أحد سألني : وشو ؟! أقول : مدري .. إحساس وطعم غير .. وبس !

رمضان .. لك وزنك بين الشهور .. راح نفقدك .. وحـ توحشنا ! نسأل الله أن يتقبل من الجميع .. وأن يعيده علينا وعلى المسلمين أعوامًا عديدة وأزمنة مديدة ..

نشوفكم على خير ..

وأعتقد إن موعدنا القادم يوم العيد إن شاء الله .. وليس السبت أو الأحد كالمعتاد ..

في أمان الله ,,

موتاب

كندا

صدقوني .. أبي رجل عظيم !