(( 1 ))

رمضان .. كل عام وأنتم بخير .. أعاننا الله وإياكم على الصيام والقيام .. وتقبل منا ومنكم صالح الأعمال .. وأعاده الله علينا وعليكم أعوامًا عديدة .. رحم الله من كان معنا العام الماضي ونفتقده هذا العام .. آخرهم ( عادل و بدر ) رحمهم الله وأسكنهم الجنة .. دعواتكم لهم بالمغفرة والرحمة في هذا الشهر .. رحم الله موتى الملسمين ..

(( 2 ))

يوسف أو yousef كما تحب .. شفاك الله وعافاك .. سلامات ما تشوف شر .. تدري يا يوسف .. والله إني لأتقطع ألمًا لمّا أشوفك .. حتى ولو كان هذا مو باين على وجهي .. لكن هذي الحقيقة .. يمكن لأني مريت بتجربة أقل منها .. ما أقول إلا : الله يعينك .. والله تعب .. لكن الحمد لله على كل حال .. وتكفير ذنوب يا أبو سعد .. قدامك العافية .. وشد حيلك ..

(( 3 ))

أبو رزق .. سعدنا بوجودك بيننا فترة .. تدري لك وحشة !! البيت بعدك هدوووء ( شوي ) .. كنت مونّسنا  .. وكنا نتمنى جلستك أكثر .. لكن أهلك بـ حائل يحتاجونك أكثر .. ولأهلك عليك حقا .. لذلك : الله معك .. وخلك مع أهلك .. وحـ توحشنا يا وحش .. نشوفك على خير ..

(( 4 ))

أصدقائي !! ما أدري .. المرحلة هذي أشوف تغيّر كبير في أصدقائي !! أقصد بالتغيّر .. ناس كانت علاقتي فيهم قوية (جدا) صارت خفيفة (جدا) .. وبعضهم ما شفته طول فترة تواجدي هنا !! والبعض الآخر علاقتي فيه كانت خفيفة .. ثم قويت !! صدقوني : أنا أنا .. لم أتغير كثيرا .. لكن التغيّر ذا غريب !! ما أدري وش السبب ؟! هل هو أنا أو هم ؟! .. عموما : أعرف مَن المقربين مني .. وهؤلاء هم مَن أحرص عليهم .. وألتمس للبعض العذر .. والبقية (!!) يا ليت اللي شاف عليّ تغيير إلى الأسوأ يبلغني .. وسبل التواصل معي كثيرة وسهلة جدا .. واللي يبي يعرف الطريق يدلّه ..

(( 5 ))

كلها كم يوم باقية بالثوب .. ونودع الثوب لمدة أخرى .. لا أدري كم .. لكنها ليست قصيرة .. فموضوعنا القادم سيكون من أرض الأحلام إن شاء الله .. المعنى : الجمعة القادمة إن شاء الله سأعود إلى الديار لإكمال المشوار .. والله يعين عليه .. اللي يبغى يوصل شيء لهناك تراني حاضر ومستعد .. أما الثوب !! فـ ما أدري هل لأني ما  لبسته لفترة طويلة أحس إنه غثيث .. أو هو غثيث فعلا ؟! خصوصا مع الحر الشماغ لا يُطاق !! لكن هذا لبسنا وعاداتنا ولازم نحافظ عليها من جيل لآخر .. لكن سؤال تبادر إلى ذهني : قديما ما كان اللبس كذا .. كيف وصل إلى الشكل الحالي ؟! وهل يمكن يتغير اللبس ذا مع الأجيال ويجي لبس جديد يكون هو العُرف والعادة والتقليد ؟! ممكن ليش لا ؟!

(( 6 ))

أبو جنى .. راح أفقدك على الفطور اليوم .. سلم لي على جنى ..

(( 7 ))

إن شاء الله الليلة طالع عمرة .. أحد يوصي شيء من هناك .. أو يبغاني أدعي له ؟! معكم إلى أذان العشاء لأني راح أشيك بعدها وما راح أدخل مرة ثانية حتى أرجع إن شاء الله .. على طاري العمرة .. قبل فترة أيام ما كنت أدرس في الكلية .. كنت أسولف مع واحد من الزملاء .. قلت له : أنا رايح عمرة .. قال لي : وين ؟! << أما هو سؤال !! بغيت أقول للأقصى

(( 9 ))

خاص له .. وحده .. أقول له : اشتقت لك .. كنت أتمنى أشوفك .. لكن تجري الرياح بما لا تشتهي السفن .. كنت ناوي أزوك لكن الظروف ما ساعدت ! الحمد لله على كل حال .. ونلتقي في قادم الأيام إن شاء الله .. نشوفك على خير ..

(( 10 ))

صدقوني .. أبي رجل عظيم !

موتاب

تبوك

صدقوني .. أبي رجل عظيم !