السلام عليكم ورحمة الله وبركاته << ما كأنه خاف من أبو سعود أبدا

قبل البداية .. أحب أقول : أسأل الله العظيم رب العرش الكريم أن يشفي (نايف) صاحب حبيبنا أبو رزق .. صحيح إني ما أعرفه الله يشفيه .. لكن اللي غالي على أبو رزق غالي علينا كلنا .. الله يشفيه ويقومه بالسلامة .. ويرده لأهله سالم معافى ..

ثم ..

اليوم ما لي خلق أتكلم << توّه خالع ضرس .. وبيني وبينكم الضرس ذا له فلم مو سالفة بس .. راح أقولها لكم في الإسبوع ما بعد القادم إن شاء الله << مسوي فيها عند خطط للمواضيع

غريب الأسبوع الماضي !! جاني سؤال من أكثر من واحد .. موتاب هل أنت مستانس؟! لا تكون طفشان ؟! أشكر للإخوة السائلين حرصهم علي .. لذلك راح أعرض لكم اليوم نشاط سويته قبل كذا .. وكنت وعدتكم من قبل إني أنزل موضوع عنه .. لكن في الحقيقة عندي تساؤل .. ما أدري ليه إذا سمعنا كلمة الغربة يجي في بالنا واحد جالس في زاوية ويذاكر ويبكي لأنه مفارق أهله وأحبابه وفارش سجاده يشحد لأنه مطفر !! ما أدري من وين جانا التصور ذا .. صحيح إننا نذاكر لكن مو 24 ساعة .. ونشتاق لأهالينا وأحبابنا (آآآآه يا جنّو ) لكن ما نعبي الكتب دموع .. وأما التطفير فما مر علي أبد ولله الحمد .. الله يخلي ملك الإنسانية أبو متعب << كنت أبي أقول أبو موتاب لكن ما أمون على الرجال .. وبيني وبينكم ما لها داعي نروح فيها عشان سماجه

لاحظوا إن كل هالقرق اللي فوق .. وأنا مالي خلق أسولف .. عاد وشلون لو كان لي خلق .. كان غثيتكم .. راح أحط لكم الصور .. من رحلتي إلى

 Lake Louise in Banff National Park

طبعا هذي في ولاية Alberta في كندا .. الغريب في الولاية ذي بالنسبة لي .. إن السيارات ما فيها لوحات أمامية .. فقط خلفية .. والسبب يقولون لأن الشرطة لو بغت تشوفك راح تشوفك من وراء .. ولو عطتك مخالفة راح تكون من وراء فما لها داعي اللوحة الأمامية !! وبيني وبينكم .. السيارات هناك شكلها كشخه خصوصا إذا كانت موديل جديد .. النهار فيها طويل جدا .. أطول من عندنا بشوي .. يعني بدون مبالغة لو أقول لكم الساعة 11 ولسا مغرب ..  يعني لسا نشوف !

طبعا الرحلة كانت مكونه من : آدي (المخطط والمدير التنفيذي والمالي للرحلة) - أوساما (صاحب الفكرة والمستشار الخاص) وشقيقه الأصغر أناس (ضيف شرف) - موتاب ( ضيف شرف برضه يعني زيادة عدد ) .. فقط 4 أشخاص .. وبصراحة القروب ذا ممتازين جدا .. أتشرف بمعرفتهم .. شرواكم ( الحين كل واحد يرد منكم لازم يقول : شرواك الطيب ) مدة الرحلة تقريبا 3 أيام .. الصور مع التعليقات .. وهي من أروع ما رأت عيناي !

في الطريق .. بداية الرحلة .. وتظهر أمامنا سلسلة جبال الروكي الشهيرة .. طبعا كل الجبال في الصور من نفس السلسلة .. القمم ثلوج .. والجو حلو جدا

موتاب يتوسط أوساما ذو الفنيلة الخضراء وأناس اللي حاط يده بجيبه << ما أعرف لون الفنيلة

 

غابة جنب الطريق .. وقفنا نتصور فيها .. سؤال وأشوف من المركزين معاي .. من اللي في الصورة ؟!

برضه في الطريق .. شلال نسيت اسمه << من الفداغه

آدي وأناس في نفس الموقع .. أخيرا شفتوا آدي

هذي صورة النهر من الجهة الثانية بعد الشلال .. كأنه حليب

الشلال .. صورة حلوة .. ومصور محترف .. ومتصوّرين حلوين

أخيرا اجتمعنا الأربعة في صورة وحده .. تحتنا بحيرة لويس Lake Louise طبعا الصورة ذي بعد مشوار مشي 1.6 كيلو متر في مرتفع .. يعني جبل .. ترا تعب !

صورة صافية للبحيرة .. بدون أي خشه

صورة أخرى من مرتفع ..

حنا عند البحيرة .. عشان نثبت إننا رحنا .. والصور ما هي ملطوشة من النت

مقر المخيم .. وعلى فكرة : لازم تحجز قبل ما تجي .. طبعا فيه دورات مياه الله يكرمكم وأماكن ترويش ومويا حار .. ومطبخ للي يبي ياكل فيه إذا جاء مطر .. ومجلا لغسيل الصحون .. يعني شيء مرتب !

لقطة فنية .. ترا الصورة ذي ما جت غير بعد تخطيط .. وش رايكم حلوه صح ؟!

موتاب عند البحيرة .. ويضحك .. وسبب الضحك أسألوا أوساما عنه .. على فكرة : كلنا تصورنا في نفس المكان ونفس اللقطة ! هههههههههههه والله السبب رهيب

طابور الصباح .. طلعنا نتمشى على البحيرة .. وبعد ما أبعدنا تقريبا 2 كيلو نزل مطر غزير .. شوي ونقلبها ركض للسيارة

رياضة White water rafting من أروع الأشياء اللي كانت في الرحلة ..

حمااااااااااااااااااااااس ..

إثاااااااااااارة ..

 

متعة ..

في طريق العودة : استرخاء .. مو نوم ..

بصراحة .. المكان يستاهل الزيارة مرة ثانية .. صح إنه بعيد نوعا ما .. يعني تقريبا 500 كيلو (مثل تبوك والشملي ) لكن جدا رائع .. واللي زاد من حلاته المجموعة اللي معاي .. الله يعطيهم العافية .. من أقضل الشباب في كندا وعلى مستوى العالم << كأنها مبالغة شوي من جد والله شباب ونعم ..

برايفت لـ أحمد : ترا في الصور مسمّر شوي لتغير الجو علينا .. ومثلك تعرف تتأثر بشرني بسرعة

أتمنى تكون سالفة الأسبوع ذا أعجبتكم .. وإن شاء الله نلتقي على خير في الأسبوع القادم ,,

موتاب

كندا

صدقوني .. أبي رجل عظيم !