السلام عليكم ورحمة الله وبركاته

من قديمي .. نُشر بتاريخ : 8 - 10 - 2007

***

جاسم
شاب طيب
تعرفعت عليه عن طريق رئيس المركز الإسلامي .. في ثاني صلاة جمعة لنا ..
قال لنا :
جاسم .. شاب نشيط .. من كشمير ..
أهلا جاسم ..
يفهم اللغة العربية استماعا لكن لا يحسن الحديث!

***

كان يرتب لنا فطور الجمعة كل أسبوع من بداية رمضان .. في الجامعة ..
وينسق الفطور يوم السبت من كل أسبوع في المركز الإسلامي .. فعلا كان نشيط ..
فعلا ينحب ..

***

الأسبوع الماضي جانا جاسم ..
يا شباب .. الأسبوع القادم راح أسافر لأمريكا أسلم على أبوي وأمي .. نسقوا الفطور ..

قلنا طيب ..

مشت الأيام .. جاء يوم الجمعة .. يوم سفر جاسم ..
تفاجأنا إنه صلى معانا الجمعة !!
جاسم .. وش فيه ليش ما سافرت ؟!
قال :
حبيت أصلي معكم الجمعة احضر الفطور .. ثم اسافر !
ما قلت لكم ينحب ..

***

العصر .. جت رسالة على جوالين من الشباب من جاسم .. اتصلوا علي الساعة 6 إن شاء الله ..

جت الساعة 6 .. الشباب يتصلون .. ولا فيه أي رد .. إلا من البريد الصوتي ..
أنا جاسم ضع رسالتك !

باقي نص ساعة عن موعد الفطور !
رحنا للجامعة وفي الطريق .. جانا الخبر : جاسم صار عليه حادث !
كيف ومتى .. ما ندري .. هذا الخبر اللي وصلنا !

قابلنا واحد من الشباب .. نفس الخبر المبتور عنده !

نتصل عليه .. ولا مجيب إلا من البريد الصوتي !!

يا جماعة تفاءلوا خير .. يمكن الرجال نايم !
نتصل على غرفته ولا مجيب .. حتى البريد الصوتي !

أفطرنا .. والجميع قلق على جاسم !
مدري كيف الفطور بدونه !
واحد من الشباب بدأ التأثر عليه واضحا .. يقول وش نقول لأبوه وأمه وهم ينتظرونه !
والله جاسم صار عليه حادث في يوم سفره لكم .. وما ندري عنه إلى الآن !

***

قبل العشاء بقليل .. جانا خوينا هذا .. ووجهه متهلل !
يا شباب أحد معاه جوال .. توني كلمت جاسم وطفى جوالي من الشحن !
أقرب واحد فينا أعطاه الجوال .. وكلمه !

جاسم تجي الآن .. قال طيب .. وبدون تفاصيل !

نصف ساعة مرت .. بحساب العقارب .. ولكن لا أدري بحسابنا نحن !

جاء جاسم وانهالت عليه الأسئلة !
سلامات .. وش صار .. متى صار الحادث .. عسى ما جاك شيء .. متى مسافر !

وجاء الرد الثلج !
الحادث صار قبل صلاة الجمعة .. وقابلتكم بعده !
وش فيكم يا شباب !
يعني الخبر وصلنا متأخر ..
وكنت نايم .. عشان كذا ما أرد على الجوال !

صلى جاسم معنا التراويح والقيام .. ثم سافر في نفس الليلة !

عرفت حينها كم نحب جاسم ..

***

قفلة

فيني نهار وليل .. وأفراح وأحزان !

موتاب

كاملوبس - كندا

صدقوني .. أبي رجل عظيم !